بو گون
ايستيرم اؤزل حاياتيمدان دا دانيشام.
من
بوندان اؤنجه بير آيري وئبلوقوم وارايدي. اوردا بير قيز ينان تانيش اولدوم. ايندي
ده چوخ صميمي يولداشيق. چوخ مئهريبان و بيلميرم ندن چوخ دوز دانيشان دير. فيكر
ائليرم اوره يي اوقدر صاف دير كي، نه
دئيير سه اولور. غيب دن خبرلر وئرير.
بير
گون آخشام چاغي سئويل منه دئدي: سنين كي ايشين وار و ياشا دا دولموسان ندن
ائولنميرسن؟؟؟ ياديما گلمير نه جواب وئرديم.
. سئويل
سحر بير مئساژ يازدي. دئدي فيكر ائليرم ايستيرسن تبريزه گله سن. من ده دئديم يوخ،
بو تئزليغا گلمه يه جم. بو مئساژين جاوابيندان 5 دايقا گئچمه ميشدي. آنام زنگ
ووردو، دئدي آخشام چيخ گل ائوه، بير قيز به
يه نميشيق. دوزون ايسته سز، من سئويل دن خوشوم
گليردي. حتي اونونلا ائولنمك اوچون ده فيكيرلشيرديم. آخشام يولا دوشوب، سحر
ائوه چاتديم. باجيمين يولداشلاريندان بيريني به يه نميش ديلر( من ائولنمك اوچون
بيليم يوردوندا قيز سئوه بيلمه ديم. ايندي ده هئچ قيز، فيلان گؤرمه رم اونا گؤره بو ايشي آناما تاپشيرميشديم) آنام دا منيم
يئريمدن دانيشميشدي، تكجه قالميشدي بير بيريميزي گؤروب و به يه نك. قيز هم گؤزل
ايدي، هم تحصيلاتي يوخاري ايدي. ياني هئچ بير ماهانا يئري قبول ائتمه مك اوچون
قالماميشدي. سئويله دئديم، سن دئدين تانري دا ائشيتدي!!!! سئويل چوخ ناراحات
اولموشدو.... داها بورالارين دئميرم.
بيليرسيز
هئچ ايندي من سوبايام و ائولنمه ميشم؟؟؟؟ دئييم نه اولدو!!!
قيزين
آدي مين آي ايدي. اوشاق كن آتاسي دونياسيني دئييشميشدير. اونا گؤره آغ ساققال
لاري، آناسي، دايي سي و بيرده ظاليم عمي سي ايدي.ظاليم دئديغيما گؤره ده، ندن لريم
وار دير. اؤنجه لر هر شئي اؤز قايداسيندا قاباغا گئديردي. آداخلانميشديق. نئچه
آيلار گئشدي و گليب كبين كسمك چاغي چاتدي. كبين نه قدر اولاجاغيني بللي ائتمك
اوچون، يولداشلاريمدان بيري منه دئدي كي قيز لا اؤز آرازدا سؤز بيرليغا چاتين، سونرا سؤز ساواش چيخماسين.
مين آي دئدي، منيم آديم مين آي اولدوغونا، كبين ده 1000 سيككه اولسون. من دئديم What????
قيز
يوخاري دان توتمشدو و آزا گلميردي. آخير دئديم ياخجي من بيلميرم. قوي بؤيوك لريميز
دانيشسينلار، نه قدر دئسلر من قبول ائلرم.
قوي
عمي سيندن سيزه دئييم. مرند ده اولدوغومدا ،بير گون ميناي منه دئدي عميم ايستير
سني گؤروب و نئچه سؤز سنينله دانيشسين. اونا گؤره تك گل بيزه. قرار اولموشدو آخشام
ساعات 5 ده گئدم اونلارا( ائولري تبريز ده دير). اوروشلوق آيي ايدي. سحر دوشدوم
يولا( چون اؤنجه ايستيردم سئويلي گؤرم)
چاتديم تربيزه. سئويله زنگ آچيب و قرار لاشديق. آخشاما كيمي سئويل له، ال اله
تبريزي دولانديق. ( دوزون ايسته سز سئويله دئمه ميشديم كي مين آي تبريزلي دير و
آخشام گئده جم اونلارا) آخشام سئويل دن آيريشديم و گئتديم مين آي گيله. ظاليم عمي
سي، اوتورموشدو ائولرينده. من ده اوتوردوم اؤنونده. باشلادي دانيشماغا، داغ دان
باغدان( عمي سي وكيل دي) آخير گلدي بورا چاتدي كي، سن بو قيزي آليب آپاراجاقسان
اوزاق اوزاق يئرلره، بونا سؤز يوخ!!! آما سندن بير شئي ايسته يه جم كي، يوخ گتيرمه يه جك سن. دئديم سن
بيزيم بؤيويوموزسن، سن نه بويورسان ائله ده اولمالي دير. بيليرسيز نه دئدي؟؟؟
دئدي
كي كبين كاغاذيندا يازاجاييق كي، قيز هاردا سئوسه اوردا ياشاياجاقسيز!!!! دئديمWhat???
آخي بو
نئجه ايش دي، لاب پارادوكس لارين پارادوكسو دور. آخي بير زاد كي منيم ايشيم هاردا
اولسا اوردا ياشاياجاييق، نئجه سؤز وئريم كي قيز ايسته ين يئرده ياشاياجاييق؟؟؟
دئدي ايستيرم بو سؤز كبين كاغاذيندا يازيلسين. ( بيليرم نيه دئيردي، آخي اونلار بئله فيكر ائليرديلر من قيزي آپاراجاغام مرند ده
آتا، آنامين يانيندا ساخلايام و گئدم ايشه) دئديم كي من بير گون مين آيي مرنده ده آپارمالي اولسام دا ، اؤزوم
يانندا اولاجاغام و تك باشينا قويموياجاغام كي!!! من دئديم اونلار اينانماديلار.
آخير دئديم من او سؤزو كبين كاغاذينا يازديرماياجاغام. عمي سي ده دئدي سن
يازاجاقسان!!!!
بوردان
ايشلر دولاشماغا باشلادي. هر گون مين آي لا سؤزوموز، كبين و او كاغاذ اوستونده
گئديردي. بير نئچه زامان گئچدي، و كبين كسمك چاغي چاتدي. ( من مين آيا دئميشديم كي
اگر ايستيرسن اوجور بير كاغاذي يازام و قول چكم، اوندا سن ده او دئديغين 1000 دانا
سيككه ني ده باغيشلامالي سان، ياني سن منه اينانماياندا من سنه نئجه اينانيم؟؟؟؟) يا منيم باشيما سؤز باتميردي يا مين آيين. آخير
بو قرارا گلديم كي، بؤيوكلر نه دانيشسالار منده بويون ايه جم.
من
تئهراندايديم و كبين دانيشيغي آپاريليردي. بيردن آتام منه زنگ آچدي، دئدي سن قيزا
سؤز وئرميسن كي، كبين كاغاذيندا يازاجاقسان، او هاردا دئسه اوردا
ياشاياجاقسيز؟؟؟ من دئديم يوخ، بو سؤزو
عمي سي ايستيردي. تلفونو وئردي عمي سي نه، عمي سي مندن سوروشدو بس نئجه اولدو؟ سنه
او گون دئمه ديم بو سؤز يازيلمالي دير. دئديم دوز دئييرسن، دئدين، آما من قبول
ائله مه ديم.
آهآآآآآآن.
او سؤز اوستونده بؤيوك بير ساواش، مركه چيخدي. و قورولتاي پوزولدو...
من هله
بيلميردم نه اولوب. آخشام مين آي منه بير مئساژ يازدي كي
"اؤز
اليمه دئييل، عميم راضي دئييل!!!!! منده اونون سؤزونه باخمالي يام." من داها
هئچ نه يازماديم و ائوه زنگ آچديم. هامي دئييردي دوز گلمدي. اونود گئتسين!!!!
... ان
چتين رولو بانا وئرديلر، اؤنجه سئو، سونرا اونود دئديلر.
بيليرم
سئويل ده آز آز بيلدي كي منيم ائولنمك ماجرام پوزولوبدور!!!!